![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
I akuzuari për sulmin terrorist ne kryeqytetin Suedez, Stokolm, Rakhmat Akilov, 39 vjeçar, ka pranuar të ketë kryer këtë akt ka thënë avokati i tij.
Ky shtetas nga Uzbekistani ballafaqohet me akuzën për vrasjen e katër personave javën e kaluar, duke drejtuar një kamion të rrëmbyer drejt turmës së njerëzve. Sipas policisë, autori i krimit ishte i njohur për shërbimet e sigurisë ndërsa vitin e kaluar i ishte refuzuar leja e qëndrimit në Suedi.
Autoritetet gjithashtu kishin informacion se ai kishte shprehur simpati për militantët e të ashtuquajturit Shteti Islamik, ISIS. “Jam mysliman dhe mbështes ISIS-in”- ka thënë 39-vjeçari. Gjithashtu ai ka deklaruar se sulmi i tij ishte kryer dhe në shenjë hakmarrjeje ndaj sulmeve në Siri. Rakhmat Akilov, 39 vjeç, pranoi një “krim terrorist” kur ai u paraqit para një gjyqtari në kryeqytetin suedez.
Zëvendësprokurori suedez, Hans Ihraman, tha se Akilov është i akuzuar për “akt terrorist”. Policia ende nuk e ka treguar emrin e personit të dytë, i cili është arrestuar më 9 prill lidhur me këtë ngjarje te rëndë. Prej datës 7 prill, autoritetet suedeze kanë marre ne pyetje me shume se 600 vete dhe kanë ndërmarrë një numër bastisjesh në Stokholm në kuadër të hetimeve lidhur me sulmin me kamion.